РОМАНТИК ХАЙР БОЛОН ҮНЭН ХАЙРЫН ТАЛААР

Сонирхолтой санагдахаар нь орчуулж тавилаа 

http://1000petals.wordpress.com/?s=Romantic+love+vs.+True+love+and+why+happy+marriages+are+rare+in+the+West

Сахажа йогч болохоор хүний юм ялгаж салгах ухаан сайжирч, аливаа зүйлээс  хэрэгтэй зөв зүйлийг олж хардаг болдог. Энэ йогчин нэг ном уншаад, үүнээс сэдэвлэн өөрийн санаа бодлоо хуваалцсанаас та бүхэнд, ялангуяа эмэгтэйчүүд бидэнд таалагдах байх гэж бодон энд нийтэллээ...

Романтик хайрын агуу их давалгаанд яаж хандах вэ?

Романтик хайр нь хичнээн их сэтгэл татам, дур булаам, сайхан санагддаг боловч эцэстээ аз жаргал авчирхаасаа илүү сэтгэл үймрүүлсэн сүйрлийг авчирах нь илүүтэй тохиолддог билээ.

Өнөө үед барууны орнууд болон манайд улсад сэтгүүл, кино-ноос уламжлан Романтик хайр, түүнийг тойрсон асуудлууд нь бидний сэтгэлийг их татсааар байдаг. Романтик хайр нь бидний амьдралд хамгаас том байр суурийг эзэлдэг,  энэ нь био-энергийн солилцоо үүсгэгч бүтэц журам болон нийгэмд хэдийн байрь сууриа эзэлжээ. Хэрвээ бид энэхүү савангийн хөөс мэт романтик хайрыг  зөв зохистой чиглүүлэх талаар сурваас бид харин амьдралаа аз жаргал руу нь чиглүүлж, нийгмээрээ бүхэлдээ эрүүл саруул, дундрашгүй хайрыг олох боломжтой болох магадлал энд байна..

Романтик хайр нь хүний амин сэтгэл, ариун сүнстэй холбоотой

 Robert A. Johnson  нь өөрийн “Understanding the psychology of Romantic Love” зохиолдоо маш зөв тодорхойл бичсэнийг олж унших боломжтой:

“ Романтик хайр нь барууны орны түүхэн үеэс илэрч ирсэн агуу том сэтгэл зүйн  сэдэв болжээ. Энэ нь бүх нийт хүн төрлөхтний сэтгэл зүйд агуу их нөлөө үзүүлж, нийгмийг нийтээр нь бүхэлд нь эцэс буцалтгүй өөрчилж чадсан зүйл байгаа юм. Өнөөгийн байдлаар энэхүү Романтик хайрын асар их нөлөөг өнөөгийн нийгэмд чиглүүлж, залж, ойлгон зохицууцалх хүчин зүйл үгүй байгаа. Бид (хүн  хоорондын) удаан хугацааны харилцаа холбоо үүсгэхээс илүү энэхүү романтик хайр гэх зүйлийн зуурдын төрхөнд дурлан нэг бол гашуудалд  унан зовж,  нэг бол сэтгэлээр хоосорч, хөрөх явдлыг өөрсөддөө үүсгэсээр байна. Гэхдээ эрэгтэй, эмэгтэй хүмүүс энэхүү романтик хайрыг үүсгэдэг сэтгэл зүйн шалтгааныг ойлгож ухаарах юм бол хүмүүс үүнийг өөрсдийн ухаанаар чиглүүлж, өөрсөд хоорондын харьцаа болон бусдад хандах харилцаагаа сайжруулах боломжтой юм байна.

Бид “дурлалт хүнтэйгээ учирахаар” бидний өгүүлж байсан дутууг нөхөх хэсэг маань гэнэт олдсон мэт болж, сэтгэл дүүрсэн мэт болдог. Энгийн амьдралаас дээгүүр түвшинд гарсан мэт, маш өөдрөг, хөнгөн, уриалагхан болдог. Бидний амьдрал эрч хүчээр оргилж,  маш агуу - өөр хэмжигдхүүний өөр ертөнц болон хувирдаг.

Романтик хайрын өнцөгөөс авахад - хүн мөрөөдөж байдаг туйлын зорилгыг, хамаг амьдралын утга учирыг, мөрөөдөл нь биелэх тэрхүү өндөрлөгийг -  хайртай хүнээсээ хүсэн хүлээж, нэхэж байдаг. Дутуугаа дүүргэх тэрхүү сэтгэлийг хайдаг билээ.

Мөд иймэрхүү зүйлсийг хүмүүс хаана хайдаг вэ гэвэл: тэнгэрлэг зүйлийн хайгуулдаа – бурханлаг - сүнслэг мэдрэмжнээс хайгуулчилдаг байна. Бид өөрсдийн хувийн үзэл бодлоос илүү дээгүүр зүйлийг хайгаад эхлэхээр - дотоод тэрсэл зөрчилгүй илүү төгс төгөлдөр байдлыг хайгуулчилж эхэлдэг. 
Өөрөө өөрөөрөө болох юмсан, өөрийгээ илүү нээгдүүлэх юмсан, хувийн амьдралын хязгаарлагдмал, бүрэн бус хэмжигдэхүүнээс илүү  дээш, ер бусын, эцэс төгсгөлгүй, хязгааргүй сайхан зүйлсийг олох юмсан гэсэн хүсэлдээ бид хөтлөгддөг. Энэхүү хүсэл нь хүнийг сүнслэг, оюунлаг хандлагтай байдгийг нотолно. Хачирхалтай нь үүнийг бид өөрсдөө ч хүлээдэггүй, зөвшөөрөхийг ч хүсдэггүй. Гэвч бид сүнслэг, бурханлаг, тэнгэрлэг гэх зүйлсийн олон салаат замын энэхүү өртөгт үүгээр ирээд байгаа юм.
Гэхдээ үүнд гайхаад байх зүйл байхгүй: Романтик хайрыг хайх хандлага нь бидний бурханлаг гэгээн зүйлсийг хайх зөн совинтой шууд холботой байдаг. Хүн төрлөхтөн түүхэнд, хэдэн зуунаар, агуу их баатар, түүний гүнж хоорондын хайрын харьцаа, харилцаа, тэнгэрлэг холбоосын төсөөг энгийн болхи амьдралаас дээш тавин, өндөрлөгт өргөн, сэтгэлдээ нандин шүтээн мэт тахин дуудаж, залан буулгахын мөрөөдөл, хүслээр домог үлгэрт буулган үлдээсэн байдаг.   --  Энэ нь хүн төрлөхтний зүрх сэтгэл, амин сүнсний мэдрэмжийг дээдлэн хүссэнийх байж таараа.

Карл Юнг (алдарт сэтгэл зүйч, эрдэмтэн, гүн ухаантан) нь, хүн бүрийн сэтгэл зүйнд биеэ даасан хувийн “шүтээн”-т  үйлдэл байдгийг  тогтоон гаргажээ. Энэ нь заавал нэг шүтлэгийг  дагахыг хэлээгүй л дээ. Харин хүн бүр дотроосоо амьдралынхаа утга учирыг олох төрөлхийн шаардлага нэхэлттэй төрдөгийг олж судалсан байна. Юнгийн ажиглалтаар, барууны орны ихэнх хүмүүс нь хичнээн бие мах бодь, бодол санааг тэргүүнд тавидаг ч, бүгд өөрсдийн үндэсний шашинд оршдог, хазгааргүй алсын, гэгээн нандин:  бүхнийг бүрэн бүтэн болгодог, аминч  хувиас нь илүү дээгүүр болгодог  хүсэл мөрөөдөлтэй байдгийг олж  судалсан байдаг.

Бид яагаад бусдаас Бурханлагийг хүсдэг вэ?

Европын түүхэн  романтик үеийн  зохиол, шүлэг, дуунаас нь л авч үзэхэд,  дурлалд шатсан эрчүүд  бүсгүй хүний үнэмлэхүй үзэсгэлэн, дотоод ертөнцийн мөнхийн чанар, ер бусыг шагшран гаргасан байдаг. Тэд эмэгтэй хүний нуугдмал үнэнг нээн илрүүлж; улмаар өөрийг нь бүрэн дүүргэх тэрхүү хувирал, сайн сайхан руу өргөн, түүнийг хувиргасан тэрхүү сүнслэг мэдрэмжийг тодотгон, илүү сайхан, бүрэн цогц шинэ эр хүн болсон талаар бичсэн байдаг. Агуу романтик зохиолчид энэхүү үзэгдлийг нуун хаагдуулдаггүй байж, харин зарлан тунхаглаж ном зохиолдоо үлдээсэн байдаг. Гагцхүү харин өдгөө, орчин үеийн эрчүүд яагаад өмнө нээлттэй илтгэн мэдүүлж, бүр хэтрүүлэн өргөж байсан зүйлсийг өдгөө сонсуулах ч үгүй, мэдүүлэх ч үгүй болсон юм болдоо? 
Энэ, яагаад гэвэл бид орчин үед амин сэтгэл, ариун сүнс гэхээсээ илүү бие махбодийг чухавчилдаг болсноос тэр биз. Сэтгэлийг хүн эрүүл ухамсраараа нэг их хүлээхээ байж. Хүн өөрийг нь дутууг нөхөж, бодитоор дүүргэх тийм зүйлсийг  хайхаасаа илүүтэй  –  эд зүйлс, бодит биеийн үр дүн, бүх зүйлийг хяналтан доор байлгах, эрх мэдэл, давуу хүчийг илүүд тавьдаг болж. 
Ариун сэтгэлд итгэхээсээ илүү махан бие, биеийн мэдрэхүйг чухавчилдаг болжээ.

Тэгээд, эрэгтэй хүний дурлалын тусгал дүр нь бүсгүй хүнээс ууршаад санаандгүй алга болохоор, тэрээр бүсгүйдээ хөрчихсөн, урам нь хугарсан, эр хүний хүслийг хөдөлгөх, төсөөллийнх нь дүр төрх нь байж чадаагүй, байхаа больж хэмээн эмэгтэй хүнийг буруутгаж, гэмтэй хүн мэт үйлдэж эхэлдэг байна.

Барууны орны соёл иргэншилд эмэгтэй хүнийг ердийн хүн биш, харин эрчүүдийн хүсэл мөрөөдлийг биелүүлэх дүр хүслийг нь татсан төрхтэй байх ёстой хэмээн ухамсарт нь суулган хүмүүжүүлсээр иржээ. Эмэгтэйчүүд нь орчин үеийн Холивуд-ын одтой адилхан байхын тулд хүчин чармайх хэрэгтэй болж; үсний засалт, бие авч явах байдал гэх зэрэг нь бүх нийтийн хүсэн хүлээсэн дүр төрхийг бүрэлдүүлсэн байх ёстой хэмээн бичэгдээгүй далд хууль, ухуулга явж байдаг байна. Тэрээр өөрийн гэсэн хувь хүн байх нь нэн чухал биш харин эр хүний дурыг татах, төсөөллийнх нь төрх дүртэй (хүүхэлдэй) байх нь чухал хэмээн үздэг. Ихэнх бүсгүйчүүд, эмэгтэйчүүд  энэхүү орчин үеийн дүр төрхтэй байх ёстой гэсэн ухаагдахуунд  дасан зохицдог бөгөөд аливаа орчин үеийн өөрчлөлтийг эсэргүйцэн сөрөлгүй өөрийгөө зохицуулан өөрчилж явж байна. Эдгээр эмэгтэйчүүд нь энгийн хүн байхаасаа илүү эр хүний хүсэл мөрөөдлийн дагина болохыг хүсэн,  эрчүүдийн зохиосон тоглоомонд  өөрийн дураар оролцон умбана. Учир нь Дагина мэт шүтүүлж, бишрүүлж явах нь мөн бас ямар нэгэн байдлаар сайхан сэтгэгдлийг  төрүүлдэгээс тэр бизээ.

Тэгэхлээр, хүн өөрийн дутууг нөхөж, мөрөөдсөн зүйлсээ олж, бүрэн бүтэн болох гэсэн хайгуулдаа өөрсдийн зөн совингоор төгс төгөлдрийн дүрийг өөрсдийн хайрын амьдралдаа оруулдаг болжээ. 
Хэрвээ сайн ухаж харвал энэ нь маш чухал нээлт юм.  Хүн төрлөхтөн бид өөрсдийн төсөөлсөн төгс төгөлдрийн шүтээнт дүр, хэлбэрийг сүм хийдээс, тэнгэрээс нь аваад гэнэт өөрсдийн амьдралдаа, хоёр хүний хоорондын харьцаанд буулган хэрэгжүүлэхийг хүсдэг байна.

Тийм учраас эрэгтэй, эмэгтэй хүмүүс өөрсдийн харьцаандаа бие биенээсээ цаглашгүй их агуа зүйлсийг хүсэн нэхэж, хүлээн шалгаадаг явдал үүсэх болж. Үнэндээ, бид өөрсдөө ч мэдэлгүй хань болсон хүнээс --- биднийг бүрэн бүтэн аз жаргалтай, амьдралыг утга учиртай, эрч хүчтэй, хөөрөл бахдалтай, ямагт оргилуун хангалуун байлгах ёстой, тийм үүрэгтэй гэсэн далдхан бодлыг тээж явдаг байна. (олон кино, орчин үеийн суртачилгаа, нийгмийн хандлагын  дагуу  бодит биш,  олон төсөөллийг өөртөө суулгуулсан байдаг)

За яахав, окей, энэ нь сэтгэл зүрхний нандин, шүтээнт хүч байж.  Харин яаж үүнийг амьдралдаа олж хэрэгжүүлэх вэ?

Орчин үеийн хүмүүсийн хамгийн чухал нэгэн шаардлага бол хүний амьдралд шаардлагатай хүн хоорондын хайр болон бодож төсөөлсөн, хүний дотоод сэтгэхүйгээс үүдэлтэй романтик хайрын хоорондын ялгааг ойлгох хэрэг юм... Энэхүү дотоод сэтгэхүй, дотоод ертөнцөө хүн шашин судлал, бясалгал, йога, эсвэл Юнг сэтгэл зүйчийн өөртөө итгүүлэх төсөөллийн дагуу хэрэгжүүлэхийг хичээж үзэж болно. Гэвч энэ нь дотоод хүний өөрчлөлт,  өдөр тутмын амьдралд нь хэрэгжих, бодитоор илрэх үр дүнгээс шалтгаалдаг.

Романтик хайр болон үнэнхүү хайрын хоорондын ялгаа. Барууны орнуудад гэр бүл удаан тэсэхгүй байдгийн шалтгаан.

Романтик хайр гэж юу вэ?

             
Барууны орнуудад романтик хайрыг хамгаас агуу цорын ганц энергийн солилцоо үүсгэгч зүйл гэж тооцдог. Барууны нийгэмд эр эм хүний романтик хайрыг амьдралын утга учир, дутуугаа нөхөх, төгс төгөлдөр, хүнээс илүү болгох, оргил тамшаалыг олгох “орон зай” хэмээн тооцдог. Үүнийг шүтлэг шашныхаа ч оронд орлуулсан байдаг. Романтик хайрыг үнэн хайрын цорын ганц хэлбэр, энэ нь мөн бүхий л амьдрал, хүн хоорондын харилцаа, гэр бүлийн суурь болдог хэмээн бүрэн итгэж явдаг байна. Үүнийг л зөвхөн цорын ганц “үнэн хайр” хэмээн ташуу бодож явдаг байна. Гагцхүү барууны орны хүмүүс нь энэ тал дээр, зүүн дорнодынхноос хамаагүй дутуу, суралцах юм маш их байдаг аж. Энэтхэг, Япон зэрэг орнуудыг харвал гэр бүлийн хосууд нь хоорондоо илүү дотно сэтгэлтэй, ихэнхдээ тогтвортой, үнэнч харилцаатай байдаг нь барууны хүмүүстэй харьцуулахад ичмээр. Харин дорнодыхны хайр барууны хүмүүсийн мэддэг “романтик хайр” биш байдаг нь хачирхалтай. Тэд хань ижлээсээ туйлын дүр төрх, төсөөллийн зан авир, цаглашгүй их агуа зүйлсийг хүсэн хүлээдэггүй, нэхэн шалгаадаггүй. Бүтэшгүй шаардлага, хоосон төсөөллийг дотроо хадгалдаггүй байна.

            Романтик хайр нь хүн төрлөхтний түүхэнд эртнээс байсан. Эртний Грек, Ромын эзэгнэл, Персийн ноёрхол, феодалч Японы зэрэг олон орны уран зохиолд байдаг. Гагцхүү барууны орнуудад романтик хайрыг бүхэлдээ, нийгмээрээ амьдарсаар ирсэн байдаг. Романтик хайрыг зөвхөн барууны нийгэмд л гэр бүлийн үндэс, “үнэн хайр” гэж тооцдог.

            Гэтэл хачирхалтай нэг үзэгдэл бол романтик хайр нь хэзээ ч хүн хоорондын дунд тогтвортой сайхан харилцаа үүсгэдэггүй нь нотлогдсон байдаг. Энэ нь -- эрчтэй хөөрөл, дурлалын хүчтэй хувирал, драм эмгэнэл, аймшиггүй эрсдэл, шохоорхол, бишрэл, хардалт, сүрдэл, урвалт, уналт... гэх зэргийг  л авчирдаг. Цаашид, үнэн хайр нь байж үргэлжилэхгүй л юм бол, зөвхөн романтик хайр дээр, ганц дангаараа хосуудын хооронд хэзээ ч тогтвортой холбоо үүсдэггүй байна.

Романтик хайр нь үнэндээ зөвхөн дур тачаалыг л хөөцөлддөг. Энэ нь хүсэл тачаалынхаа төлөө юу ч өгөхөд бэлэн байдаг – бүх үүрэг, хариуцлага, алба, даалгавар, хэлцээ, амлалт, харилцаа, журам, үзэл бодол... бүхнийг хаяж орхидог. Амьдралын бодит оршихуйгаас огоорч, хуурамч чанартай төсөөллийн зүйлд-- хамаг хичээл зүтгэлээ зориулж,  хөгжихийн оронд мөхөөлд хүргэдэг төөрөлдөөн.

Романтик хайр болон үнэн хайрын хоорондын ялгаа.

Романтик хайрын гарцгүй мухардалт, дахин дахин давтагдах хэцүүдлээс болоод хүмүүс цуцан элээгдэж, ер нь “хайр” гэдэг зүйл байдаг юм болов уу хэмээн эргэлзэж эхэлдэг.  
Хайр нь байдаг. Гэхдээ заримдаа хайрыг олж, хайрлах, хайрлуулах боломжийг бид үүсгэтлээ өөртөө агуу их өөрчлөлт хийх хэрэг гардаг. Хүн хоорондын хайрын илрэл нь хүн төрлөхтний туйлын бодит үзэгдлийн нэгэн билээ.

Хайр нь хүнийг, өөрийн бодсон төлөвлөгөө, өөрийн хязгаарлагдмал оршихуй, өөрийн аюулгүйн хүрээнээс давж гаргадаг, хүний ухамсрыг сэхээрүүлэгч нэгэн агуу зүйл билээ. Улмаар хайр нь хувийн орон зайнд төвлөрсөн аминчхан авираас тэс өөр эсрэг туйлынх зүйл аж.  Хайр нь хувийн хүсэл, хувийн давуу эрхийн төлөв, төлөвлөгөөнөөс бүрэн ангид. Хайрын мөн чанар  талархал, сайшаал, бусдын үнэ цэнийг танин үнэлэхэд оршдог: хань ижлээ яаж ашиглах уу, ямар авир, төрхтэй байх ёстойг нь харахаасаа илүү хүндэтгэн, эрхэмлэн, дээдлэхэд оршидог. Үнэхээр хайртай л бол хайр үүн дээр л суурилдаг аж.

            Үүнд романтик хайр болон хүний хайрын хоорондын ялгаа оршино. Романтик үзэл нь өөрийн онцлогтоо хүнийг хувиа хичээнгүйлсэн тал руу хандуулж доройтуулдаг байна. Романтик хайрын тохиолдолд тухайн хүн дотогшоогоо хандсан, эсрэг хүнээ хайрлахын оронд ямагт өөрийн төсөөлөл, өөрийн хүсэл мөрөөдлийн дагуу, хий бодлын дагуу бусдаас нэхэж шаардсан, хуурамч сэтгэмж рүү чиглэсэн байдаг. Үнэн хэрэгтээ романтик хайр нь өрөөлийг хайрлах биш өөр лүүгээ хандсан л хайр юм.

           Өөрсдийн төсөөлөллийн шоу, үзүүлбэр нь цэнгэлтэй, үүнд зарцуулах мөнгө нь хангалттай байсан тохиолдолд романтик хайр нь үргэлжилсээр байдаг. Үнэн хайрын амьдралд тохиолдох үүрэг, даалгавар нь тэднийг залхаадаг байна. 
          Үнэн хайртай бол хүн эсрэг хүнийнхээ үндслэлгүй авир, сэтгэлийн байдлыг харгалзан үйлдэхийг эрмэлздэг. Хайр бол хүнд ундыг нь өгч, дутуугийг нь нөхөхийг хүснэ. Хүний хайр бол бусдын хувийн онцлог, хувь хүнийг нь эрхэмлэж харилцдаг. Харин романтик хайрын нүдээр хүн эсрэг ханиа зөвхөн ший киноны баатар, гол дүрийн тоглогчоор авч үздэг билээ. 


            Жинхэн хайрын тохиолдолд эхнэр нөхрийн хоорондын харилцаанд найзын холбоог мөн багтаадаг. Романтик хайранд ямар ч найзын харьцаа байхгүй. Романтик хандлага, найзын холбоо хоёр нь бүр мөсөн эсрэг энергиуд бөгөөд, тэс өөр үндэслэл, хандлагтай билээ. Заримдаа барууны хүмүүс: “би ханьтайгаа найзархаг баймааргүй байна, гэр бүлийн романсыг бүр арилгачихлаа” гэдэг бол харин Энэтхэгт, гэрлэх ёслолын тангараг дээр шинэ бэргэн, хүргэн хоёр бие биендээ: “чи миний хамгийн сайн найз минь болно” хэмээн андгайлдаг аж.
 

Бид юу мэдэж авав?

            Бид баруунынх-наас өөр зүүн/дорно/ зүгийн хүмүүс шиг гэж өөрсөддөө худлаа итгүүлээд яахав. Барууны ухуулга нөлөөнөөс суулгагдсан өөрсдийн оюун ухааны үр дагаварыг нүүрлэх хэрэгтэй байна. Өөрсдийн хувирсан, эрлийз, хурлийз оюун ухаанаа бүүр доройтохоос нь эрүүлжүүлэх эм засал олох хэрэгтэй байна. Хүмүүний харилцаа холбоо нь хүн хоорондын сэтгэлийн уяа, найзын нөхөрлөл, ханилгаа, тулгуур зэргээс эхлэн амлалт, үүрэг, хариуцлага, даалгавар.. зэргээс уламлан салшгүй олон талтай байдгийг бид санан, суралцах нь зүйтэй. Өөрсдийгөө жаргалтай болгох гэж өрөөлийг ашиглах нь хайр бус. Харин хайртай хүндээ хайрыг мэдрүүлж, хайраа нотолж, өөрийн өглөгдөө дүүрэн хайраар бялхаж сурах нь амьдралын бичэгдээгүй хууль юм, буурай өвөг дээдэс маань үр удамдаа энэхүү ухааныг чимээгүй дамжуулдаг байсан уламжлалтай билээ. 

            Улмаар тэгээд, бидэнд юу юунаас илүү чухал хэрэгтэй зүйл нь бол хайрлуулах биш, харин хайрлах нь байсан юм байна гэдгийг бид өөрийн гайхалдаа мэдэж оллоо.

"Тэгэхлээр таныг баярлуулдаг тэр хайр чинь - танд өөрт чинь ноогдсон биш, харин танаас бусад руу урсахад зориулагдсан юм." -------- (тэгж байж л та хайрыг мэдэрч, баярлах болно)--- Шри Матажи Нирмала Деви ишлэлээс.

Хайрын оньсого тайлагдлаа!

“Хайртай” гэх үгийг бид хамгаас их хэргэлдэг боловч өдгөө хамгаас их урвуулан хувиргадаг.

Маш бага, эсвэл бүүр юу ч үгүй хоосон агуулгатай “хайртай” гэх үгийг бид ашиглан, мэхэлсээр. Гэвч хүмүүн дунд хайрын харьцаа илэрсээр... мөн бүүр ч илүү нэхэгдсээр...

Үүний цаана хүн бүрийн гэгээн, нандин, усташгүй мөнхийг хүсэн мөрөөддөг хязгааргүй хүсэл нуугдсаар...

Self-Realisation around the World

Cultura dello Spirito

Урлаг, дуу, хөгжмөөр сэтгэлээ илэрхийлэх нь Сахажа йогчидын фестивалийн
бичлэгээс:

http://new.livestream.com/accounts/2214793/events/2296264

Сахаджа Йога Шри Матаджи почетный член ПАНИ

Шри Матажи Нирмала Деви-г Орос улсын шинжлэх ухааны хүрээлэнгийн
хүндэт гишүүнээр сонгосон нь:

Үнэнийг хайдаг хүн болгонд мэндчилэн ёслое! 

Юуны өмнө тан бүхэнд хэлэхэд  - үнэн бол бүхэлдээ байгаа чигээрээ байдаг.Үүнийг өөрчлөх боломжгүй үүнийг хүн нэг юм руу шилжүүлэх/ хувиргах боломжгүй. Үүний талаар мэтгэлцэх боломжгүй. Энэ нь байгаа чигээрээ, байгаа байдлаараа л байдаг. Энэ нь тийм байсан, тийм хэвээрээ л байх болно.

Бид үнэний талаар өөрийн гэсэн ойлголт мэдлэгтэй. Гэхдээ 100% туйлын үнэнг арай л мэдэхгүй гэдгээ хүлээх хэрэгтэй. Бид бүхий л ном судар, шаштирд бичэгдсэн байдаг тэр туйлын үнэнийг олох хэрэгтэй юм. Яагаад гэвэл тэд бүгд зөвхөн үнэний л тухай ярьж байсан. Тэгэхлээр үнэн гэж юу юм бэ? Үнэн бол та нар энэ бие биш, энэ бодол биш, энэ сэтгэлийн хөдөлгөөн биш... Харин та нар - ариун амь билээ.

Та нар өөрөө өөрөөрөө байх тэрхүү байдалд байх, тэрхүү түвшинд хүрэх хэрэгтэй. Тийм болохоос нааш хүмүүс та нарын дунд, шашин хооронд, үндэс ястан хооронд янз бүрийн ялгаа гарсаар байх болно. Тэгэхлээр юуны өмнө та нарт энэ хэлж тайлбарлаж байгаа Кундалини нь (дотор чинь нойрсож байгаа цэвэр оюун) нь сэргэх хэрэгтэй..

Гэхдээ та нар муйхраар итгэх хэрэггүй. Учир нь сохроор итгэх хэрэг бол бүүр илүү аюултай. Бидэнд энэ сохор муйхар итгэлээс болж маш их асуудал гарсаар ирсэн. Харин бодол санаагаа нээлттэй эрдэмтэн хүн шиг хүлээж авна уу. Учир нь та бүхэн үнэнийг хайж байгаа хүмүүс. Онцгой чанарын хүмүүс. Юм хайдаг хүмүүний хувьд та бүхэн миний хэлж байгаа юм болгоныг өөрийн биеэр туршиж үзэх хэрэгтэй. Хэрвээ энэ нь үнэхээр мэдрэгдэж байвал та шудрага хүмүүний хувьд үүнийг хүлээнэ. Яагаад гэвэл та нар үүнийг л хайж байгаа учир. Энэ таны бүхий л асуултын хариулт байгаа юм.
Энэ нь дэлхий даяар түгэх болно.

Танд, энэ гурвалжин ясанд байрладаг хүчний талаар тайлбарласан байгаа. Энэ хүч нь сэргэхээр та бүхийл атом, амьд, амьд бус ертөнцөөр нэвтэрч урсаж байдаг Дээд Тэнгэрийн хайрын хүчтэй холбогдох болно. Хайр нь, үнэнээс илүү агуу юм. Яагаад гэвэл хайр бол тэр үнэнийг бий болгодог эх үүсвэр нь. Тэгээд энэ Дээд Тэнгэрийн Хайрын хүч нь энэ дэлхий дээр байдаг бүхэл амьд ажил үйл хэргүүдийг бүтээдэг. Жишээлбэл бид эдгээр үзэсгэлэнтэй цэцэгсийг харж байна. Бид үүнийг жирийн үзэгдэл гэж авдаг. Эдгээр янз бүрийн цэцэгс яаж бий болдог...

Шри Матажи Эхийн шид

Шри Матажийн талаарх дуртгалын номны хэсгээс:

Олон удаа Шри Матажийг ямар нэг газар үйл ажиллагаанд оролцож байсан үед бас давхар өөр нэг газар түүнийг байсныг нь нотлон ярих олон хүмүүс байдаг. Шри Матажийг огт  танихгүй, Сахажа йогийг ч огт мэдэхгүй хүмүүсд олон тохиолдолд Шри Матажи тааралдсан нь сонин юм.

Энэ талаар та бүхэнд сонирхуулья: 

1982 оны 10 сард Шри Матажи Англи улсын Бедфорд хотод удаахь шинэ хүмүүст зориулсан хичээл лекцээ явуулах үед түүний зар суртачилгааны зураг нь олон сонинд урьдчилан гарсан байна. Хичээл явагдаж байх үед лекцний заалнаас холгүй тээврийн осол гарч Жэйсон хэмээх залуу гэмтэлд орсон тохиолдол гарчээ. Нэг хоёр өдрийн дараа осолд орсон залуу, сонингийн зурагнаас Шри Матажийн царайг харан, өөрт нь тусалсан хүн гэдгийг таньжээ. Сонингийн сэтгүүлч Росс Францис “Гуру багш ба аврагдсан хүү” хэмээх нийтлэл гаргасан байна. Эндээс нийтэлийг уншиж сонирхоно уу:

            “Жэйсоны харсан зүйлс худлаа биш” гэж Гуру багшийн лекцийг зохион байгуулсан залуу хэлжээ. Түүний бодлоор Шри Матажи-н “нууцаар дүүрэн нэгэн дүрийг” харсан нь гарцаагүй гэжээ. Иймэрхүү явдал олон хүмүүст тохиолдож байсан, Шри Матажийн олон хүмүүст туслахаар гарч ирэн, гараа хүргэсэн газар нь хүнд өвчин нь хүртэл эдгэрдэг маш олон сонин тохиолдлууд байдаг гэж тэр хэлсэн юм.

            Жэйсон хүүд мөн адил зүйл тохиолдсон нь магадгүй боломжтой байна. Энгийн үед итгэмээргүй хачин зүйл тохиолдсон бөгөөд түүний ярьсныг ч мөн үгүйсгэх боломжгүй юм.

            Жэйсон 21.15 минутын үед Бедфордын Каулдвел гудамжаар өөрийн моторт дугуйгаар явж байгаад машинтай мөргөлдөж унасан байна. Орой ажилаа тараад гэрлүүгээ явж байж. Тэр үед Шри Матажи багш нь Харпур гудамжны Гилдхаус-д удаах хичээлээ явуулан шөнийн 23 цаг хүртэл тэндээс гараагүй байна.

            Жэйсон ярихдаа би мөргөлдөөд газар дээр бие өвдөөд хэвтэж байсан. Хүмүүс намайг тойроод зогсчихсон: “түүнд гар бүү хүрээрэй, нугасандаа гэмтсэн байж магадгүй” гэж байсан. Тэгээд гэнэт тэр Энэтхэг эмэгтэй хүн гараад ирсэн. Тэр гараа миний толгой, мөр, гар, биеийн хэсгүүд дээр тавьсан. Тэгээд гараа тавиад авах болгонд нь миний өвчин шууд арилж байсан. Би миний гар хугарсан байхаа гэж бодож байсан, гэтэл тэр: “хугараагүй ээ” гэж надаа хэлсэн. Тэгээд дараа нь тэр эмэгтэй харагдаагүй алга болоод нэг минутын дараа түргэний машин ирж түүнийг авч явсан гэв. Хөхөрч, хавдасанаас илүү юм болоогүй тэр дараа нь удалгүй санаа зовсон эцэг эх рүүгээ тэр оройдоо гэртээ харих боломжтой болсон байв.  Түүний ослыг харсан 2 гэрч жолооч, түргэн иртэл тэнд зоссож байсан, гэхдээ ямар ч Энэтхэг эмэгтэйг хараагүй. Түргэний эмч нар мөн цагдаагийнхан ирэхдээ мөн Энэтхэг эмэгтэйг хараагүй гэнэ.

            Шри Матажи багшийг зочилуулж байсан эхнэр, нөхөр 2 мөн Шри Матажитай ямагт хамт байсаар, хичээлийн дараа хамтдаа машинд сууж гэрлүүгээ явсан, замдаа ямар ч газар зогсоогүй шууд явсан гэх боловч. Энэхүү тохиолдсон гайхалтай явдлыг Шри Матажи-д өөрт нь хэлэхэд, “ийм зүйл энэ оронд тохиолдож байгаа нь гайхалтай сайн юм, энэ бол ерөөл” гэж хэлэв.

            Жэйсны ээж нь: “миний хүүг аварсан тэр эмэгтэйтэй уулзаад, талархалаа хэлмээр байна. Энэ үнэхээр гайхмаар шид шиг зүйл боллоо.”

            Эцэст нь Жэйсны үүгийг сонсвол: “Би гарцаагүй тэр эмэгтэйг харсан. Тэр намайг эдгээсэн. Ганцхан нэг хэсэгт түүний гар хүрээгүй, хэвтэж байсан болохоор нурууны доод хэсэгт хүрээгүй. Тэр нь л жаахан өвчтэй байгаа” гэв.

Үүнд нэмэхэд, Нью Зеландын йогч Брайн Белл энэ болсон явдалд нэмж хэлснийг дурьдвал: “ 1983 оны Америкийн аялалын үед Шри Матажи багш Лос Анжелесд радио ярилцлага өгч байсан юм. Бид түүнтэй хамт радио нэвтрүүлгийнхнийг бэлэн болохыг хүлээж байхад Шри Матажи өмнө болсон тэр Бедфордод осолд орсон хүүгийн талаар бидэнд ярьсан юм. Сахажа йогчин: “Шри Матажи, Та тэр хүүгийн осолд туслахаар очсоноо өөрөө мэдэж байсан уу?” гэж асуухад. “Бурхны хүч үргэлж идэвхтэй, ямагт урсаж, энергийн долгионоо дамжуулж л байдаг. Харин үүнийг нь хүлээж авч байна уу, үгүй юу нь тухайн хүний чанараас шалтгаалдаг. Хэрвээ хүлээн авагч хүн нь сайн бол долгионыг нь хүртэж чаддаг” хэмээн ярьж байсан гэв. Бедфордын тэр хүү ч сайн хүлээн авагчтай байсан бололтой.

--- Энэтхэг йогчин Ражу Коли-гийн мөн дурьтатгалаас:

“1984 онд Энэтхэгийн Мумбай хотоос холгүй байрладаг манай Алибарг тосгонд Шри Матажийн хаус-г барьж байх үед энэ болсон юм. Байшин барьж байх үед, барилгын материал, элс, цемент, төмөр гэх зэрэг ямагт ил задгай тойроод байж байдаг байсан. Алибарг нь жижиг тосгон учир бид хамгаалагч манаач аваагүй байсан юм. Харин нэг шөнө хачин зүйл болов. Хуучин манай тосгонд амьдарч байгаад тосгоны хуулийг зөрчөөд маш олон жилээр тосгоноос хөөгдсөн нэг хүн буцан ирж манай барилгын төмөрнөөс хулгайлахыг завдсан юм. Тэр ирээд харанхуйд төмөрнөөс хулгайлах гэтэл нэг том мод барьсан хүн түүнийг хөөж, тэр арай гэж зугтаж. Дараахь өдөр нь юу ч мэдээгүй бидэн дээр ирээд: “эмэгтэй хүнээр мануулдаг нь ямар учиртай юм” гэв. Бид манай энд ганц ч эмэгтэй ажилдаггүй ээ гэхэд тэр ер итгэхгүй байв. Тэгээд гэрт байсан Шри Матажи-гийн зургийг олж хараад шууд: “тэр зурган дээр байгаа хүн чинь өчигдөр том мод бариад намайг хөөгөөд байсан шүү дээ”, гэв. “Тэр цагаан саритай, мөрөн дээрээ хөнжил нөмөрчихсөн байсан” гэв. Тэр хулгай хийж байсан гэдгээ бидэнд хэлэхээс айгаагүй, харин манай юмыг хамгаалж байсан тэр агуу эмэгтэй хэн юм бээ гэдгийг мэдэхийг маш ихэд хүссэн нь инээдтэй.

 --- Девибен Калам Өмнөд Афризийн Кэйп тоун-д маш гоёмсог байранд амьдардаг бөгөөд тэндээ ч мөн өөрийн хувийн бизнесээ явуулдаг байв. Нэг удаа Девибенгийн үйлчлүүлэгч, захиалагч нар гэрт орж ирэнгээ: “тэр гадаа байгаа улаан саритай эмэгтэй хэн юм бэ?” “Сайхан инээгээд, манай эжийг санагдуулмар сайхан хүн бэ?” гэж асууж. Удалгүй зочин гэрт нь байгаа Шри Матажийн зургийг хараад: “Энэ сая гадаа байсан хүн байна шүү дээ!” гэв. Нээрээ юу гээд, Девибен гайхан гадаа гарч хартал мэдээж хэн ч харагдсангүй. 

Тэгээд тэр Шри Матажийн талаар түүнд ярьж өгөн, Түүнийг Өмнөд Африк-д ирж байгаагүй талаар ярьж өгчээ.

--- Нэг удаа Европын сахажа йогчид Африкт очин олон тосгонд хүмүүсийн оюуны хүчийг нээгдүүлж өгч байв.  Мөн Африкт нь хүлээж авсан нэг йогчин өөрийнхөө тосгонд аваачин, олон сониуч, хөдөлгөөнтэй инээд алдсан хүүхдүүдээр дагуулан тосгоны толгойлогч настай өвөө дээр очиж уулзуулж. Тэр маш анхааралтай тэднийг сонсон, йогчид тэр хүнд Шри Матажийн зургийг үзүүлэхэд: “Өө, би энэ авхайг мэднэ" гэж маш хүндлэлтэйгээр хэлэв. "Тэр өчигдөр миний зүүдэнд  ирж, надтай ярилцсан хүн байна, “гэхэд йогчид гайхацгаав. Тэгээд тэр дахин нэмэн: “гэхдээ энэ зураган дээр байгаа шиг тэр цагаан байгаагүй, харин хар арьстай байсан” гэж йогчидыг гайхшруулан хэлсэн гэдэг.

Сүүлийн үед сахажа йогчидын форумд бичигдсан, санаанд үлдсэн хэдэн сониноос нэмье:

----Энэтхэгийн нэг сахажа йогийн төвд тэр хавиар аялах лон жуулчид ирэн нойрсож буй оюунаа сэргээх бясалгалд  маш олноор хамрагдах болов гэнэ. Мөн гурван оюутан залуу бясалгалд суугаад, тэр зурган дээр байгаа эмэгтэй сая бидэнтэй ярьж, биднийг ийш нь ирүүлсэн гэж йогчидын сонирхолыг татав. Тэгээд асуутал тэд: хүмүүс яагаад цуглараад байгаа юм бол, орж үзэх юмсан гээд ирээд хашаа нь хаалттай байж таараад буцаж байтал нэг эмэгтэй тэдэнд ирж буцаад ор ор, энэ танд  маш ашиг тустай гээд буцаасан”, гэж яриад "гэхдээ тэр энэ зураган дээр байгаа шигээ биш маш залуухан эмэгтэй байсан", гэж нэмжээ. 

Оодоо хүний биенээс халисан энэхүү оюуны хүч нь мөн буцаад Шри Матажийн дүрээр хүмүүсд илэрсээр байгааг нь мэдэхэд бидэнд сайхан байв.

----Энэтхэгт йогчидын цуглаан хуралдааны үед мөн гадны тогооч, туслах ажилтан нарыг хөлсөлдөг заншилтай. Гэтэл хэд хэдэн туслах хүмүүс, йогчидын тэмдгэн дээрх Шри Матажи Эхийн зургийг харсан хэмээн: “энэ эмэгтэй бидэн дээр ирээд, “хүүхдүүдэд маань сайхан хоол хийж өгөөрэй” гэж байсан хэлцгээх ярижээ.

---- эмнэлэгт хэвтэж байсан Италийн йогчин мөн Шри Матажи Эхийн зургийг тасагтаа тавьсан байхыг хараад, сувилагч энд явж байсан гэсэн нь сонин.

-----тархины хүнд хагалгаанд орсон йогчины хүүхдэд мэс засал хийсэн эмч та нарын явуулсан гэсэн “тэр эмэгтэй” хэн байсан юм? Тэр авхай байхгүй байсан бол ч би мэдэхгүй, тэр маш их тусалсан гэж хэлжээ. Мэл гайхсан гэр бүлийнхэн нь энэ талаар тодруулж асуух гэтэл хэдэн цаг үргэлжилсэн мэс заслын дараах ядарсан эмч цааш яваад сайн юм асууж чадаагүй.. нь йогчидын санаанд тодорхой ойлгогдох Шри Матажи Эх ирсэн нь тодорхой. Санаа зовсон гэр бүлийнхний залбирал хүслийг Шри Матажи сонсон өөрөө мэс заслын явцад мөн тусалснаас дамжиггүй байна.

Байгалийн хуулиас хэт давсан зүйлийг гайхамшиг гэж хэлвэл САХАЖА ЙОГ НЬ ГАЙХАМШИГ юм.